Тошкентда кафе ичида ёнғин юз берди

Бугун, 21-октябрь куни, пойтахтнинг Чилонзор туманида жойлашган кафелардан бирида ёнғин содир бўлди. Тошкент шаҳар Фавқулодда вазиятлар бошқармаси (FVB) берган хабарга кўра, ҳодиса соат 13:41 да Кичик ҳалқа йўли кўчасида жойлашган овқатланиш масканида юзага келган.

Ёнғин-қутқарув гуруҳлари чақириқ келиб тушганидан сўнг 9 дақиқа ичида воқеа жойига етиб борган. Соат 13:56 да ёнғин тўлиқ қуршаб олинган ва 13:58 да бутунлай ўчирилган.

Дастлабки маълумотларга кўра, ёнғин кафенинг дудбурони ва унинг қопламасида юзага келган. Ёниш майдони 5 квадрат метрни ташкил этган. Энг асосийси, воқеа натижасида ҳеч ким жабрланмаган.

Тошкент шаҳар FVB воқеа сабабларини аниқлаш юзасидан терговолди текширувларини бошлаганини маълум қилди.