Алиментчи ота алимент пулларини олдиндан тўлаб берди

Фуқаролик ишлари бўйича Андижон туманлараро судининг суд буйруғига асосан Олтинкўл туманида яшовчи қарздор Д.Мамажоновдан ундирувчи З.Турғуновага бир нафар вояга етмаган фарзанди таъминоти учун алимент ундириш белгиланган.

Мажбурий ижро бюроси Олтинкўл туман бўлими давлат ижрочиси томонидан олиб борилган ижро ҳаракатлари ҳамда профилактик суҳбатлар натижасида ота ўзининг фарзанди моддий таъминоти учун 18 ёшга тўлгунга қадар ҳисобланган 6 млн 800 минг сўмни тўлаб берди.

Шу билан алимент ундириш ҳақидаги ижро иши юритуви тамомланди.