"Ака-ука Супер Марио кинода" мультфильмининг давоми эълон қилинди
Illumination ва Nintendo машҳур \"Ака-ука Супер Марио кинода\" мультфильмининг давомини тақдим этди. Янги лойиҳа The Super Mario Galaxy Movie деб аталади, дея ёзди Deadline.
Қаҳрамонларга яна Крис Пратт (Марио), Аня Тейлор-Жой (Малика Пич), Чарли Дей (Луижи), Жек Блек (Боузер), Киген-Майкл Ки (Тоад) ва Кевин Майкл Ричардсон (Камек) овоз беради. Лойиҳа режиссёрлари Аарон Хорват ва Михаел Еленик бўлади. Сценарийга Метт Фогель масъул.
Асл мультфильм Марио ва Луиджи исмли сантехник ака-укаларнинг эртак дунёсидаги саргузаштларига бағишланган эди. Давомида эса қаҳрамонлар космосдаги янги синовларга дуч келади. Премера 2026 йил 3 апрелда бўлиб ўтиши белгиланган.
Эслатиб ўтамиз, \"Ака-ука Супер Марио кинода\" мультфильми ўтган йилнинг энг даромадли лойиҳаларидан бири бўлиб, 1,3 миллиард доллар касса йиғган эди.
