Шаҳзод Султонов 30 ёшда сир сақлаган ҳақиқатлар очилди
Шаҳзод Султонов 30 ёшни қарши олди. У ўзбек шоу-бизнесида актёрлик ва хонандаликни бирга олиб бораётган таниқли бўйдоқ санъаткор сифатида кўпчилик эътиборида.
У хонанда Ойбек Султоновнинг кенжа фарзанди. Отаси уни болалигидан спортга, айниқса боксга йўналтирган. Шаҳзод аввал муай-тай билан шуғулланган, кейин бокс ҳаётининг муҳим қисмига айланган. Болалиги моддий қийинчиликсиз ўтганини, отаси оиласи учун ҳамма шароитни яратганини айтади.
Ижодда эса осон бўлмаган: устозлардан “сендан актёр чиқмайди” деган гапни эшитган, уч йилгача асосан массовкада юрган. Кейин Сардор Раҳимхон қўллаб-қувватлагани сабаб илк катта имкониятлар пайдо бўлган.
Актёр танилиб борган пайтда баъзи аёллардан ноқулай таклифлар олганини ҳам очиқ айтган. Оила масаласида эса ота-она танлаган қиз билан ҳам аввал кўришиб, кейин қарор қилишини, актриса билан турмуш қурса, унинг санъатдан четлашишини исташини билдирган.
