Ток-шоуда эркак эксперт актриса Анжела Эсимбетовага озишни маслаҳат берди

Машҳур ток-шоулардан бирида эркак эксперт томонидан актриса Анжела Эсимбетовага айтилган фикрлар интернет фойдаланувчилари орасида кескин муҳокамаларга сабаб бўлди.

Жонли эфир вақтида эксперт актрисага озишни тавсия қилган ва бу фикрини “семиз аёллар эркакларга ёқмайди” деган қараши билан изоҳлаган. Ушбу баёнот студиядагилар ҳамда ижтимоий тармоқ фойдаланувчилари орасида турлича муносабат уйғотди.

Кўпчилик экспертнинг гапларини ноўрин ва аёлларнинг ташқи кўринишини камситувчи фикр сифатида баҳолади. Айрим фойдаланувчилар эса ҳар кимнинг ташқи кўриниши ўз шахсий танлови эканини таъкидлаб, инсонни вазни орқали баҳолаш нотўғри эканини ёзиб қолдирди.