«Уммон»чи Шоҳрух ота бўлди

«Уммон» гуруҳи хонандаларидан бири Шоҳрух 24 октябрь, сешанба куни ота бўлди. Бу ҳақда у Instagram’даги саҳифасида хабар қолдирган, деб хабар берди Дарё нашри.

Шоҳрух тармоқдаги саҳифасида турмуш ўртоғи — Азиза билан туғуруқолди фотосессиясида тушган суратларини эълон қилган.

Хонанда Instagram’даги хабарида аёли Азизага миннатдорчилик билдириб, қизалоғи учун энг яхши ота бўлишга ваъда берган.

Маълумот учун, Шоҳрух ва Азизанинг тўйи 2016 йил августида бўлиб ўтган эди.