Жалолиддин Машарипов Африка клуби билан шартнома имзолади

Ҳозирда \"Ал Насср\" клуби футболчиси ҳисобланган Жалолиддин Машарипов Мисрнинг \"Ал Аҳли\" клуби билан келишув имзолаган.

Икки клуб ўртасида трансфер ҳам ҳал бўлган. Бу ҳақда Мисрнинг KingFut нашри саудиялик инсайдер Абдулазиз Алзамилга таянган ҳолда хабар берди.

Маълумот учун, 28 ёшли футболчи ўтган мавсум “Ал Насср” таркибида 2 та гол ва 5 та ассист қайд этди.

Мисрнинг \"Ал Аҳли\" клуби эса ўз миллий чемпионатида 64 очко билан 3-ўринда бормоқда.