"Барселона" Суареснинг покери эвазига "Спортинг"ни тор-мор этди

Испания чемпионатининг 35-турида “Барселона” Хихоннинг \"Спортинг\" клубини ўз майдонида 6:0 ҳисобида тор-мор этди, деб хабар берилади \"Кун\"да.

Биринчи голни 12-дақиқада Лионель Месси киритди, сўнгра 63, 74 ва 77-дақиқаларда гол уриш навбати Суаресга келди. 85-дақиқада Неймар ўз ҳисобига битта гол ёзиб қўйди ва ниҳоят, Суарес 88-дақиқада ҳам рақиб жамоани ранжитиб, ўз ҳисобига покер ёзиб қўйди. Суарес 2 та голини пенальтидан киритди.

Бу ғалаба \"Барса\"нинг кетма-кет иккинчи йирик ғалабаси бўлди. Ўтган турда каталонияликлар \" Депортиво\"ни 8:0 ҳисобида ютгандилар. Ўша ўйинда ҳам уругвайлик футболчи покер амалга оширганди. У Мессидан кейин \"Барса\" тарихида бир мавсумда 50 та тўп ура олган иккинчи футболчи бўлди. Суарес, шунингдек, яна битта тарихий натижага эришди. У Испания примераси тарихида кетма-кет икки ўйинда 4 тадан кам бўлмаган гол ура олган биринчи футболчи бўлди.

Шу тариқа \"Барса\" 82 очко тўплаб, яна 1-ўринга кўтарилиб олди. 2-ўринда

\"Атлетико\" (82 очко), 3-ўринда эса \"Реал\" (81 очко) бормоқда.

Барселона – Спортинг Хихон – 6:0

Голлар: Месси, 12 (1:0); Суарес, 63 (2:0); Суарес, 74 (3:0, пен); Суарес, 77 (4:0, пен); Неймар, 85 (5:0, пен); Суарес, 88 (6:0).

Четлатиш: Враньеш, 84 (Спортинг)