"Специя" устози гол ура олмаётган Шомуродов ҳақида нималар деди?

А Серия 23-турида \"Специя\" \"Ювентус\"ни меҳмон қилди ва 0:2 ҳисобида мағлубиятга учради. Гарчи, специяликлар имкониятни бой берган бўлса-да, ўйин томонлама \"Ювентус\"дан қолишгани йўқ.

Учрашувдан сўнг \"Специя\" устози Фабрицио Лорьери Турин клубига қарши ўйин ҳамда Шомуродов ҳақида ўз фикрлари билан ўртоқлашди:

\"Йигитлар бутун ўйин давомида ажойиб футбол намойиш этди. Статистика ҳам гапимни исботлайди. Сенсация яратиш учун имкониятимиз бор эди...

Шомуродов тобора ўсиб бормоқда. У биз учун муҳим футболчи ва ҳолати кундан-кунга яхшиланяпти. \"Ювентус\"га қарши Элдор буни яна бир бор исботлади\", - деди Лорьери.