"Интер"га қарши 45 дақиқа ҳаракат қилган Шомуродовнинг ўйинига неча балл қўйилди?

A Серия 26-туридан ўрин олган \"Специя\" - \"Интер\" баҳси якунланди. Мазкур беллашувда майдон эгалари 2:1 ҳисобида кучли рақибдан устун келди.

Дастлаб, Шомуродов ўрнига захирадан майдонга тушган Мальдини 55-дақиқада ҳисобни очишга муваффақ бўлди. 82-дақиқада ўтиб бораётган бир пайтда Лукаку пенальтидан унумли фойдаланиб, мувозанатни тиклади. Кўп ўтмай, аниқроғи, 86-дақиқада \"Специя\" ҳам 11 метрли жарима зарбаси тепиш имкониятини қўлга киритди ва Нзола пенальтини голга айлантирди.

Қайд этиш лозим, легионеримиз Элдор Шомуродов учрашувни асосий таркибда бошлади ва 2-тайм аввалида захирага олинди.

Қуйида SofaScore портали орқали \"Специя\" футболчиларига қўйилган баллар билан танишишингиз мумкин.