Баҳодир Жалолов янги промоутерлик компанияси билан шартнома имзолади

Бокс бўйича оғир вазн тоифасида жанг қиладиган Баҳодир Жалолов янги промоутерлик компанияси билан шартнома имзолади.

Хусусан ҳаваскор боксда 2 карра жаҳон чемпиони, Олимпиада чемпиони Баҳодир Жалолов афсонавий Боб Арумнинг Тоp Rank промоутерлик компанияси билан шартнома имзолади. Бу ҳақда ESPN инсайдери Майк Коппинжер хабар бермоқда.

Жалолов профессионал йўналишда 12 та жанг ўтказиб барчасида рақибларини муддатидан олдин мағлуб этган. У Лоу ДиБелланинг DiBella Entertainment компанияси билан ишлаб келаётган эди. Ҳозирча тўлиқ маълумотлар ошкор қилинмади.