Европа Лигаси 1/8 финалига ўтиш ўйинларига қуръа ташланди

Футбол бўйича Европа Лигасининг 1/8 финалга ўтиш ўйинларига 18 декабрь, душанба куни қуръа ташланди.

Ўтиш баҳсларида 16 та жамоа иштирок этади: Европа Лигаси гуруҳ босқичида 2-ўринни эгаллаган 8 жамоа ва Чемпионлар Лигаси гуруҳ босқичида 3-ўринни эгаллаган яна 8 жамоа.

Ушбу баҳсларнинг ғолиблари 1/8 финалда Европа Лигаси гуруҳ босқичида етакчиликни қўлга киритган жамоаларга қарши ўйнайди. “Вест Ҳэм”, “Брайтон”, “Рейнжерс”, “Аталанта”, “Ливерпуль”, “Вильярреал”, “Славия” ва “Байер” тўғридан-тўғри нимчорак финалга йўл олган.

Европа Лигаси ўтиш ўйинлари жуфтликлари қуйидаги кўринишни олди:

• “Фейеноорд” — “Рома”
• “Милан” — “Ренн”
• “Ланс” — “Фрайбург”
• “Янг Бойс” — “Спортинг”
• “Бенфика” — “Тулуза”
• “Брага” — “Карабах”
• “Галатасарой” — “Спарта Прага”
• “Шахтёр” — “Марсель”

Ўтиш ўйинларининг дастлабки учрашуви 15 февралда, жавоб баҳслари эса 22 февралда ўтказилади.