Ўзбекистонлик беш нафар ҳакам Қатардаги U-23 Осиё кубогида фаолият олиб боради

Жорий йилнинг 15 апрелидан 3 майига қадар Қатар пойтахти Доҳа шаҳрида 23 ёшгача бўлган футболчилар ўртасида Осиё кубоги ўтказилиши режалаштирилган. Аҳамиятли жиҳати, ушбу мусобақада ишловчи расмийлар рўйхатидан 5 нафар вакилимиз ҳам жой олган.

Бош ҳакам Рустам Лутфуллин, ёрдамчи ҳакамлардан Санжар Шоюсупов ва Алишер Усмонов, шунингдек, ВАР ҳаками Фирдавс Норсафаров ҳамда ҳакамлар назоратчиси Владислав Цейтлин мусобақага ишлаш учун жалб этилган.