Ўзбекистон терма жамоаси Тожикистон устидан иродали ғалабани қўлга киритди

^{Фото: ЎФА}
Футзал бўйича Мираброр Усмонов Кубоги мусобақаси 19 июль, жума куни старт олди.

Мусобақа доирасида Ўзбекистон терма жамоаси Тожикистонга қарши баҳс олиб борди. Учрашувнинг 4-дақиқасида Самандар Ризомов меҳмонларни ҳисобда олдинга олиб чиқди. 9-дақиқада Комрон Алиев автогол муаллифига айланди ва ҳисоб тенглашди.

10-дақиқада Суннат Жўраев Ўзбекистоннинг иккинчи голини урди.

Иккинчи бўлимда томошабинлар, яна голлар гувоҳига айланди. 34-дақиқада Илҳом Ҳамроев автогол муаллифи бўлди. Ўша дақиқанинг ўзида Ихтиёр Ропиев яна Ўзбекистонни ҳисобда олдинга олиб чиқди.

Қолган дақиқаларда дарвозалар ишғол этилмади ва учрашув Ўзбекистоннинг 3:2 ҳисобидаги ғалабаси билан якунланди.

Мираброр Усмонов Кубоги
19 июль, жума

Ўзбекистон – Тожикистон 3:2
Голлар: 0:1 — 4 Ризомов, 1:1 — 9 Алиев (автогол), 2:1 — 10 Жўраев, 2:2 — 34 Ҳамроев (автогол), 3:2 — 34 Ропиев.
Ўзбекистон: 12.Аббос Элмуродов, 2.Музаффар Аҳаджонов, 4.Ихтиёр Ропиев, 6.Илҳом Ҳамроев, 7.Дилшод Раҳматов (дастлабки бешлик).
Заҳира: 1.Суннатилла Анваров, 16.Фаёз Жўрабоев, 3.Машраб Одилов, 5.Суннатилла Жўраев, 9.Фазлиддин Ботиров, 10.Акбар Усмонов, 11.Аброр Аҳмедзянов, 13.Меҳрож Худойбердиев, 14.Самариддин Беркинов.
Тожикистон: 2.Фируз Бекмурод, 7.Боҳодур Хожаев, 8.Исболи Воситзода, 12.Умед Кузиев, 14.Дилшод Саломов (дастлабки бешлик).
Заҳира: 23.Хушбахт Исоев, 3.Абдуқаюм Умаров, 4.Насрацҳоҳ Исмоилов, 5.Самандар Ризомонов, 6.Идрис Ёров, 11.Комрон Алиев, 17.Бахтиёр Солиев, 19.Фируз Сангов.