Париж—2024. Диёра Келдиёрова франциялик дзюдочини мағлуб этиб, финалга йўл олди

Франциянинг Париж шаҳрида ёзги Олимпиада ўйинлари давом этмоқда.

Ўзбекистон делегацияси Париж—2024 ёзги Олимпия ўйинларидаги дастлабки медалини нақд қилди.

Дзюдочи Диёра Келдиёрова -52 кг вазн тоифасининг финалига йўл олди.

Келдиёрова ярим финалда мезбонларнинг биринчи рақамли спортчиси, Олимпия ўйинларининг олтин ва кумуш медаллари соҳиби Амандин Бушарни мағлубиятга учратишга муваффақ бўлди.