Павар "Марсель" мағлубияти учун жавобгарликни ўз зиммасига олди

Франция чемпионатининг тўққизинчи турида \"Марсель\" меҳмонда \"Ланс\"га 1:2 ҳисобида мағлуб бўлди. Провансликлар ҳимоячиси Бенжамен Павар жамоасининг муваффақиятсиз натижаси юзасидан ўз фикрларини билдирди.

- \"Марсель\" мухлисларидан узр сўрайман. Мен хато қилдим ва натижага бўлган жавобгарликни ўзимга олишга тайёрман.

\"Марсель\" каби клубда ўйнаётганингда идеал бўлишинг керак. Яхшироқ ўйин кўрсатишга ва ишончни қайтаришга ваъда бераман\", – дейди француз футболчиси Footmercato нашрига берган интервьюсида.

Эслатиб ўтамиз, ўйинда Бенжамен автогол муаллифи бўлди ва бу гол \"Ланс\"га ғалаба келтирди.