Салоҳнинг 250-голи: Яна бир тарихий натижа...
“Ливерпул” ҳужумчиси Муҳаммад Салоҳ жамоа сафида 250-голини урганидан сўнг ўз фикрлари билан ўртоқлашди. 33 ёшли футболчи ушбу тарихий натижага “Астон Вилла”га қарши ўйинда, биринчи бўлим охирида ҳисобни очиб эришди.
Учрашув “қизиллар”нинг 2:0 ҳисобигаги ғалабаси билан якунланди. “Бундай буюк клубда гол уриш ажойиб туйғу.
Мен ҳеч қачон бу каби ютуқларни ўз-ўзидан содир бўладиган ҳолат сифатида қабул қилмайман. Жуда хурсандман ва ўзимнинг натижаларимдан фахрланаман”, – деди юлдузли мисрлик TNT Sports нашрига берган интервьюсида.
Муҳаммад Салоҳ 250 голни 415 ўйинда қайд этган. У “Ливерпул” сафида 2017 йил ёзидан буён фаолият олиб бормоқда.
Эслатиб ўтамиз, 4 ноябрь куни Арне Слот бошчилигидаги жамоа Чемпионлар Лигаси доирасидаги навбатдаги ўйинда Мадриднинг “Реал” клубини ўз майдонида қабул қилади.
