Данни Уэлбек Англия терма жамоасини ўйламаяпти

“Брайтон” ҳужумчиси Данни Уэлбек АПЛнинг 10-турида “Лидс”га қарши учрашувдан сўнг ўз таассуротлари билан ўртоқлашди. Мазкур ўйин “Брайтон”нинг 3:0 ҳисобигаги ғалабаси билан якунланди.

Уэлбек мазкур учрашувни асосий таркибда бошлади ва 11-дақиқада гол уришга муваффақ бўлди. Ўйиндан сўнг, у Англия миллий жамоасига қайта чақирилиш эҳтимоли ҳақидаги саволга жавоб берди.

- Мен фақат ўз назоратимдаги нарсалар ҳақида ўйлайман. “Брайтон”да ўйнашдан завқ оламан ва жамоамга максимал фойда келтиришга интиламан.

Голлар мен ва жамоам учун муҳим, лекин асосий мақсад – ғалаба қозониш ва уч очкони қўлга киритиш, - деди ҳужумчи матчдан сўнг. Эслатиб ўтамиз, Уэлбек сўнгги марта 2018 йилда Англия терма жамоаси сафида ўйнаган эди.