Мбаппе пенальти зарбаларини ўзи бажаришга қарор қилди

Дам олиш кунлари \"Реал\" \"Валенсия\"ни 4:0 ҳисобида мағлуб этди. Ҳужумчи Килиан Мбаппе дубль қайд этди ва кейин пенальтини ижро этиш ҳуқуқини Винисиус Жуниорга берди.

Бразилиялик футболчи пенальтини голга айлантира олмади. Ўша вақтда таблода ҳисоб 2:0 эди.

Sports Vibes TV нашри The Athletic манбасига таяниб хабар беришича, Мбаппе бундан буён пенальти зарбаларини шерикларига топширмасликка қарор қилган. Ҳатто \"Реал\" бир ўйинда учта пенальти олса ҳам, Килиан уларнинг барчасини ўзи бажаришни режалаштирмоқда.

\"Реал\" Испания Ла Лигасида пешқадам бўлиб, иккинчи ўриндаги \"Барселона\"ни беш очкога (30 очко қарши 25) ортда қолдирмоқда. Сешанба куни \"қаймоқранглилар\" Чемпионлар лигасида \"Ливерпул\"га қарши баҳс олиб боради.