“Ювентус” Влаховичнинг келажагини муҳокама қилди

“Ювентус” бош директори Дамиен Комолли ҳужумчи Душан Влаховичнинг келажаги борасида ўз фикрларини билдирди. Амалдаги шартнома Влаховични Турин клуби билан 2025/2026 йилги мавсум охиригача боғлаб туради.

\"Биз Влахович билан бу мавсумни якунлашга келишиб олдик ва шартнома бўйича музокараларни мавсум сўнгида давом эттирамиз. Бу борада ўтган ёздан бери аниқ келишувга эгамиз\", — деди Комолли, унинг сўзларини журналист Фабрицио Романо ижтимоий тармоқларда келтирган.

2025/2026 йилги мавсумда Душан Влахович 15 та ўйинда майдонга тушиб, 6 та гол ва 1 та голли узатма амалга оширган. Айни дамда “Ювентус” А Серия турнир жадвалида олтинчи ўринни эгаллаб турибди.