Милан футболчиси Томори шартномани узайтиради

Милан марказий ҳимоячиси Фикайо Томори яқин кунларда клуб билан янги шартнома имзолаши кутилмоқда. 27 ёшли футболчининг амалдаги шартномаси 2027 йил ўрталарида тугайди.

Журналист Николо Скира хабарига кўра, томонлар 2029 йилгача мўлжалланган янги келишув бўйича келишувга яқин турибди. Фикайо Томори 2021 йилда Лондоннинг Челси клубидан 35 миллион евро эвазига Милан сафига қўшилган эди.

Англиялик ҳимоячи жамоа таркибида 188 ўйинда майдонга тушиб, 7 та гол ва 4 та голли узатма амалга оширган. 23-ноябр куни Милан А Сериянинг 12-турида Интерга қарши майдонга тушади.