Хорватия 0:2ни 3:2га айлантириб Черногорияни мағлуб этди

Жаҳон чемпионати саралаш босқичида ғолиб бўлган Хорватия терма жамоаси сафарда Черногория билан куч синашди. Ўйин бошида Черногория 3-дақиқада Милутин Осмаич ва 17-дақиқада Никола Крстовичнинг голлари билан ҳисобни 2:0 кўринишига олиб чиқди.

Аммо Хорватия тезда ўзини тиклади. 37-дақиқада Иван Перишич пенальтидан аниқ зарба бериб ҳисобни қисқартирди – 2:1.

Иккинчи бўлимда Черногория яна бир неча хавфли вазиятлар яратди, аммо гол уришга муваффақ бўлмади. 73-дақиқада Хорватиялик Кристиан Якич тўпни тепиб ҳисобни 2:2 қилди.

Ўйиннинг сўнгги дақиқаларида, яъни 87-дақиқада Никола Влашич рақибнинг хатосидан унумли фойдаланиб, яқин бурчакка зарба билан Хорватияни олдинга олиб чиқди – 2:3. Шундай қилиб, Хорватия ўйинни ўз фойдасига ҳал қилиб, 24 имкониятдан 22 очко тўплади. Черногория эса тўртинчи ўринда якунлади.