00:11 / 22.11.2025

U-17 Жаҳон чемпионатида яримфинал жуфтликлари маълум бўлди

Қатарда ўтаётган ўсмирлар ўртасидаги жаҳон чемпионатида чоракфинал босқичи ўз ниҳоясига етди,. Жанговор руҳда ўтган беллашувлар нафақат голларга, балки ниҳоятда кескин курашларга бой бўлди.

Италия — Буркина-Фасо 1:0
Гол: Кампаниелло (83).

Ўзбекистонни нимчорак финалда мусобақадан четлатган Италия ўз ғалабалар сериясини давом эттирди. Европалик ёшлар Буркина-Фасога қарши жуда оғир кечган ўйинда ягона гол эвазига 1:0 ҳисобида зафар қучди. Ўйин тақдири 83-дақиқада Кампаниелло томонидан киритилган гол билан ҳал бўлди.

Австрия — Япония 1:0
Гол: Мозер (49).

Осиёнинг сўнгги вакили Япония мусобақани тарк этди. Уларни 49-дақиқада Мозернинг аниқ зарбаси билан Австрия мағлуб этди. Шундан сўнг ЖЧ U-17 турнирида Осиёдан бирорта жамоа қолмади.

Португалия — Швейцария 2:0
Голлар: Миде (41), Нету (53).

Шунингдек, Португалия Швейцария устидан 2:0 ҳисобида ишончли ғалаба қозонди. Миде (41) ва Нету (53) томонидан киритилган голлар португалларни яримфиналга чиқарди.

Марокаш — Бразилия 1:2
Голлар: Баҳа (45+4, пеналти) — Делл (16, 90+5).

Мисрдаги ўтган турнирда ҳам ёрқин ўйини билан эътибор қозонган Бразилия эса Марокашга қарши ўйинда 2:1 ҳисобида зафар қозонди. Деллнинг (16, 90+5) дубли бразилияликларни навбатдаги босқичга олиб чиқди.

Шу тариқа, 24 ноябрь куни бўлиб ўтадиган яримфинал жуфтликлари қуйидаги тарзда шаклланди:

Португалия — Бразилия
Италия — Австрия