Хаби Алонсо "Реал"дан кетиш ҳақида гапирди

Мадриднинг \"Реал\" клуби бош мураббийи Хаби Алонсо жамоани тарк этиши ҳақидаги миш-мишларга изоҳ берди. \"Жамоани тарк этиш ҳақидаги гап-сўзлар?

Мени бу нарса ташвишга солмайди. Ҳозир мен учун энг муҳими - ўйинларимиз ва машғулотлар давомида бўлаётган воқеалардир.

Қолган нарсалар мени қизиқтирмайди. Жамоа ҳозирги ҳолатдан норози, аммо мен ишонаманки, биз янада кучлироқ бўламиз\", - дея Алонсо сўзларини келтиради Madrid Universal.

Аввалроқ матбуотда Алонсо \"Реал\"ни тарк этиб, фаолиятини \"Ливерпул\"да давом эттириши мумкинлиги ҳақида хабарлар тарқалган эди. Испаниялик мутахассис ушбу ёзда \"Реал\" бош мураббийлигига тайинланган эди.