Ривер Плейт сардорининг уйи ёнғиндан омон қолди

Ривер Плейт дарвозабони ва жамоа сардори Франко Армани ўтган тунни меҳмонхонада ўтказишга мажбур бўлди. У ўз уйидан тезкор равишда эвакуация қилинди, чунки унинг уйи яқинида катта ёнғин юз берди.

Ёнғин натижасида Армани уйи зарар кўрмаган бўлса-да, хавфсизлик нуқтаи назаридан барча яшовчиларни эвакуация қилишга тўғри келди. Ёнғин натижасида яқин атрофдаги бозорда бир нечта дўконлар бутунлай ёнди.

Ҳозирда ҳуқуқ-тартибот органлари ёнғиннинг келиб чиқиш сабабларини аниқлаш устида ишламоқда. Маълумот учун, Ривер Плейт ҳозирда Аргентина чемпионати турнир жадвалида олтинчи ўринни эгаллаб турибди.