Де ла Фуэнте: Ямаль Месси ёки Роналду даражасига етиши мумкин

Испания терма жамоаси бош мураббийи Луис де ла Фуэнте "Барселона" вингери Ламин Ямалнинг салоҳияти ҳақида ўз фикрларини билдирди. "Унинг имкониятларига чеклов йўқ.

У қайси даражага етиши мумкинлигини билмаймиз. Бу кўп жиҳатдан унинг ўзига боғлиқ.

У Месси, Марадона ёки Криштиану каби тарихий футболчига айланиши мумкин. У буюкликка эришиши эҳтимоли бор, аммо ҳали олдинда узоқ йўл турибди", — дейди мураббий Barca Universalга берган интервьюсида.

Жорий мавсумда 18 ёшли Ямал "Барселона" сафида 15 ўйинда майдонга тушиб, 7 та гол урди ва 9 та голли узатмани амалга оширди. Transfermarkt портали маълумотларига кўра, Ямалнинг трансфер қиймати 200 миллион еврoни ташкил этади.

У ҳозирда дунёнинг энг қиммат футболчиси ҳисобланади.