Модрич Аллегри ҳақида ўз фикрларини билдирди

Милан жамоасининг юлдуз футболчиси Лука Модрич "россонерилар" бош мураббийи Массимилиано Аллегри ҳақида ўз фикрларини билдирди. "Аллегри – ғолиб мураббий.

У ажойиб мутахассис. У билан ишлаш менга ёқади.

У кийиниш хонасида ажойиб муҳит яратди, чунки катта футболчилар билан қандай ишлашни билади. Массимилиано футболчилардан максимал даражадаги натижани чиқариб олишни усталик билан уддалайди", – деди 40 ёшли хорватиялик футболчи Football-Italia нашрига берган интервьюсида.

Италия чемпионатининг 14-туридан сўнг Милан клуби 31 очко тўплаб, мусобақа жадвалида иккинчи ўринни эгаллаб турибди. Аллегри шогирдлари етакчи Наполи жамоасидан фақат қўшимча кўрсаткичлар бўйича орқада қолмоқда.