Атлетико Ла Лигада саккизта уй учрашувида ғалаба қозонди

Мадриднинг "Атлетико" жамоаси шанба куни "Валенсия"ни 2:1 ҳисобида мағлуб этиб, мухлисларини хурсанд қилди. Диего Симеоне бошчилигидаги жамоа учун голларни Коке ва Антуан Гризманн киритди.

Шу тариқа, "Атлетико" Испания чемпионатида ўз майдонидаги ғалабали сериясини саккизта ўйинга етказди. Ушбу серия давомида мадридликлар "Вильярреал"ни (2:0), "Райо Валлекано"ни (3:2), "Реал"ни (5:2), "Осасуна"ни (1:0), "Севилья"ни (3:0), "Леванте"ни (3:1), "Реал Овьедо"ни (2:0) ва "Валенсия"ни (2:1) мағлуб этишди.

"Атлетико"нинг навбатдаги уй учрашуви 2026 йилнинг 18-январида "Алавес"га қарши бўлиб ўтади.