Булыкин Сафоновга ПСЖ асосида ўйнаш шартларини айтди

Россия терма жамоасининг собиқ ҳужумчиси Дмитрий Булыкин ПСЖ дарвозабони Матвей Сафонов қандай қилиб жамоанинг асосий таркибидан жой олиши мумкинлиги ҳақида фикр билдирди. У бу борадаги мулоҳазаларини “Евро-Футбол.Ру” нашрига берган интервьюсида айтиб ўтди.

Булыкиннинг таъкидлашича, Сафоновнинг имконияти бор, бироқ барчаси унинг ПСЖ сафидаги ўйинларда ўзини қандай кўрсатишига боғлиқ. “Албатта, имкониятлар бор.

Масала шундаки, у ПСЖ ўйинларида ўзини қандай намоён қилади. Агар у Чемпионлар лигасидаги каби дарвозасини дахлсиз сақлаб ўйнаса, раҳбарият биринчи рақамли дарвозабон ким бўлиши кераклиги ҳақида ўйлаб кўриши мумкин.

Энг асосийси, жиддий хатоларга йўл қўймаслик”, деди Булыкин. Сафонов Лига 1нинг 16-турида “Мец”га қарши учрашувда ПСЖнинг асосий таркибида майдонга тушди.

Ўйинда парижликлар 3:2 ҳисобида ғалаба қозонди. ПСЖ Франция чемпионати турнир жадвалида 36 очко билан пешқадам бўлиб турибди.