Таре: Меньян бўйича 8 миллион евро муҳокама қилинмаган

Франциялик дарвозабон Майк Меньян «Милан»ни тарк этиши мумкин. Унинг клуб билан амалдаги шартномаси келаси ёзда якунига етади.

ОАВдаги миш-мишларга кўра, футболчи битимни узайтиришга тайёр, бироқ маошининг сезиларли оширилишини талаб қилмоқда. «8 миллион евро?

Йўқ, биз бундай рақамларни муҳокама қилмагандик. У «Милан»да қолишни хоҳлайди, ўзини бу ерда муҳим ва талабгир футболчи сифатида ҳис қилмоқда.

Шу масала бўйича суҳбатлашяпмиз», — дея «Милан» спорт директори Игли Таренинг сўзларини pianetamilan.it келтиради. Эслатиб ўтамиз, Майк Меньян 2021 йилдан буён «Милан» сафида тўп сурмоқда.