Фабио Каннаваро А Серия чемпиони Наполи бўлишига ишонади

2006 йилда «Олтин тўп» соҳиби бўлган ва Италия терма жамоаси билан жаҳон чемпиони Фабио Каннаваро «Наполи» навбатдаги А Серия чемпионига айланишига шубҳа қилмаяпти. Эслатиб ўтамиз, неаполликлар амалдаги Скудетто соҳиби ҳисобланади, жамоани эса Антонио Конте бошқармоқда.

«Мен учун жавоб аён: «Наполи» чемпион бўлади, гарчи «Интер» кучлироқ бўлса ҳам. «Милан»да Аллегри бор, у жуда айёр мутахассис, бундан ташқари жамоанинг европокалларда иштирок этмаслиги ҳам муҳим омил.

«Рома» эса Турин «Ювентус»идан бир қадам олдинда», — дея Каннаваронинг сўзларини pianetamilan.it келтиради. Айни пайтда турнир жадвалида «Интер» етакчилик қилмоқда.