Хаби Алонсо “Реал”нинг кўплаб ҳужумчилар билан ўйинини изоҳлади

“Реал” бош мураббийи Хаби Алонсо “Талавера”га қарши кубок баҳсида кузатилгани каби, майдонга бир вақтнинг ўзида кўплаб ҳужумчиларни тушириш масаласи юзасидан фикр билдирди. Алонсонинг айтишича, жамоа айрим вазиятларда аввал ҳам шундай услубда ўйнаган.

У Эндрикнинг ҳаракатларини ижобий баҳолаб, бразилиялик футболчи Килиан Мбаппе учун бўш ҳудудлар очганини таъкидлади. Мураббий чуқур ҳимояланадиган рақибларга қарши жарима майдонини футболчилар билан тўлдириш муҳимлигини, қисқа тезланишлар орқали бўш жой яратиб, бу имкониятлардан Винисиус Жуниор, Жуд Беллингем ва Мбаппе каби етакчилар фойдалана олишини қайд этди.

“Биздаги футболчиларнинг индивидуал сифатларини тўғри уйғунлаштириш керак”, деди Алонсо матбуот анжуманида. “Реал” 20-декабр, шанба куни Ла Лиганинг навбатдаги турида “Севилья”ни қабул қилади.