Маркинйос Франция фуқаролигини олишни истамоқда

ПСЖ сафида узоқ йиллардан бери тўп суриб келаётган бразилиялик ҳимоячи Маркинйос Франция фуқаролигини расмийлаштириш ниятида. Бу ҳақда euro-football.ru хабар беради.

Футболчининг айтишича, бу борадаги ишлар аллақачон бошланган. У шу йўл билан Франция унга қанча нарса берганини кўрсатмоқчи. “13 йилдан бери шу ерда яшайман, фарзандларим Парижда туғилган. Келажакда ҳам шу ерда қолиб яшаш ҳақида ўйлаяпман”, — дея Маркинйоснинг сўзларини келтиради L’Equipe.

31 ёшли ҳимоячи Париж клуби билан шартнома бўйича 2028 йилнинг ўрталаригача боғланган. Унинг бозор баҳоси 30 миллион еврога тенг деб баҳоланмоқда.