Роналду Globe Soccer Awardsдаги совриндан сўнг гапирди

Криштиану Роналду якшанба оқшомида Globe Soccer Awards маросимида навбатдаги совринни қўлга киритди. У кетма-кет учинчи бор «Яқин Шарқнинг энг яхши футболчиси» номинациясида ғолиб бўлди. Бу ҳақда euro-football.ru хабар беради.

Мукофот топширилгач, Роналду йиғилганларга миннатдорлик билдирди. «Globe Soccer Awards’га раҳмат. Бу ерда футболчилар, клуб президентлари ва агентларни кўриш мен учун катта мамнуният. Раҳмат! Гала-кеча мен ёқтирадиган тадбирлардан бири, чунки бу ерда жуда кўп ажойиб инсонларни учратаман. Айниқса доим қўллаб-қувватлайдиган рафиқамни», — деди у.

40 ёшли ҳужумчи клуб даражасида «Ал-Наср» шарафини ҳимоя қилади. Роналду Саудия Арабистони жамоасида 2023 йилдан бери тўп сурмоқда.