Гари О'Нил «Страсбург» бош мураббийлигига рози бўлди

Аввалроқ «Борнмут» ва «Вулверҳемптон»да ишлаган инглиз мутахассиси Гари О'Нил фаолиятини француз чемпионатида давом эттиришга яқин. Бу ҳақда euro-football.ru хабар беради.

BBC Sport журналистлари хабарига кўра, 42 ёшли мураббий «Страсбург»ни бошқаришга розилик берди. У жамоани Лондоннинг «Челси» клубига ишга ўтган Лиам Розеньордан қабул қилиб олади.

Франция Лиге 1'нинг 17-туридан сўнг «Страсбург» 24 очко жамғарган ва турнир жадвалида 7-ўринда бормоқда. Жамоа чемпионатдаги навбатдаги учрашувини ўз майдонида «Мец»га қарши ўтказади. Ўйин якшанба, 18-январ куни бўлиб ўтади.