Романо Луис Энрикенинг ПСЖдаги келажагини очиқлади

Нуфузли футбол инсайдери Фабритсио Романо Луис Энрикенинг «ПСЖ»дан кетиши ҳақидаги гап-сўзларга муносабат билдирди. ОАВда испаниялик мураббий шартномани узайтиришдан бош тортгани ҳақида хабарлар тарқалган эди. Бу ҳақда euro-football.ru хабар беради.

Романо бу маълумотларни қатъиян рад этди. Унинг айтишича, у клуб вакиллари ва мураббий атрофидаги манбалар билан гаплашган ҳамда ҳозирча томонлар ўртасида муаммо йўқлигини тасдиқлаган: ҳамкорлик давом этади, жамоа ичида зиддият кузатилмаяпти.

Луис Энрике Париж клубида 2023 йил ёзидан бери бош мураббий сифатида ишламоқда. Амалдаги келишув 2026/2027 йилги мавсум якунига қадар мўлжалланган.

Ўтган йили Энрике «ПСЖ»ни клуб тарихидаги илк марта УЕФА Чемпионлар лигаси чемпионлигига олиб чиққанди.