Давид Трезеге Буэнос-Айресда «Ривер Плейт» раҳбариятига қўшилди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввал «Ривер Плейт» сафида ҳам тўп суриб, жамоа билан мамлакат иккинчи дивизионида чемпионликни ҳам қўлга киритган эди. Бу ҳақда euro-football.ru хабар беради.

Энди Трезеге Буэнос-Айресдаги клубга бу сафар футболчи сифатида эмас, бошқарув таркиби аъзоси сифатида қайтди. Унинг «Ривер Плейт»даги аниқ лавозими очиқланмаган бўлса-да, клуб раҳбарияти иштирокида махсус тақдимот ўтказилди.

Тадбирда Трезеге стратегик масалалар билан шуғулланиши ва «Ривер Плейт»ни институционал даражада намойиш этиши маълум қилинди. Эслатиб ўтамиз, француз футболчи 2015 йилда фаолиятини якунлаган.