Давид Трезеге Буэнос-Айресда «Ривер Плейт» раҳбариятига қайтди

Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ «Ривер Плейт» сафида ҳам тўп суриб, жамоа билан иккинчи лигада чемпионликни қўлга киритган эди. Бу ҳақда euro-football.ru хабар беради.

Энди Трезеге клубга майдондаги футболчи сифатида эмас, балки раҳбарият таркибида ишлаш учун келмоқда. «Ривер Плейт» уни бутун бошқарув жамоаси иштирокидаги тақдимот маросимида расман таништирди.

Трезегенинг аниқ лавозими ҳозирча очиқланмади. Бироқ клуб маълумотига кўра, у стратегик масалалар билан шуғулланади ва «Ривер Плейт»ни институционал даражада вакиллик қилади.

Эслатиб ўтамиз, француз футболчи 2015 йилда фаолиятини якунлаган.