«Бока Хуниорс» янги спорт директорини расман эълон қилди

Аргентинанинг «Бока Хуниорс» клуби спорт директори лавозимига янги номзодни тасдиқлади — бу вазифани Марсело Делгадо бажаради. У клуб президенти Хуан Рикелме билан яқин ҳамкорликда ишлайди. «Барселона»нинг собиқ футболчиси бўлган Рикелме билан бирга Делгадо жамоани қисқа муддатда кучайтириш масалаларига бош-қош бўлиши кутилмоқда. Бу ҳақда euro-football.ru хабар беради.

Делгадо футболчилик фаолиятида ҳам танилган: у 1995–2002 йиллар оралиғида Аргентина терма жамоаси сафида 18 учрашув ўтказган ва 1998 йилги жаҳон чемпионатида ҳам қатнашган. 2003 йилда эса у «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари бўлиб, турнирда энг кўп гол урган футболчилар қаторидан жой олган.