Агент Головиннинг «Монако»дан кетиши мумкинлигини айтди

Футбол агенти Паулу Барбоса россиялик ярим ҳимоячи Александр Головиннинг 2025/2026 йилги мавсум якунида «Монако»ни тарк этиш эҳтимолини баҳолади. Бу ҳақда euro-football.ru хабар беради.

Барбосага кўра, бундай сценарий реал: Головиннинг ҳозирги ўйин даражасини сақлаб қолиши унга Европанинг топ-клубларидан таклифлар олиб келиши мумкин.

«Агар у ҳозиргидек ўйнашда давом этса, мавсум охирида албатта қизиқарли таклифлар келиб тушиши мумкин», — дея агентнинг сўзларини «Матч ТВ» келтирди.

2025/2026 йилги мавсумда Головин 25 та учрашувда майдонга тушиб, 2 та гол урди ва 4 та голли узатма берди.

Ярим ҳимоячининг «Монако» билан шартномаси 2029 йил 30 июнгача амал қилади. Унинг бозор баҳоси 18 млн еврога тенг.