Флик «Барселона»даги ҳозирги вазиятни муаммо деб атади

Испания чемпионатида «Барселона» навбатдаги мағлубиятини қабул қилди: каталон дербисида жамоа «Жирона»га ютқазди. Бош мураббий Ҳанси Флик учрашувдан кейин вазиятдан қониқмаётганини очиқ билдирди. Бу ҳақда euro-football.ru хабар беради.

Немис мутахассисининг айтишича, гап оддий омадсизлик ҳақида эмас — клуб ҳозир инқироз ҳолатида. Флик ўтган ҳафта Испания Кубогида «Атлетико»дан 0:4 ҳисобида йирик ҳисобда ютқазилганини ҳам эслатди.

«Биз ҳозир яхши ҳолатда эмасмиз, инқироздамиз. Олдимизда жавоб топиш учун бир ҳафта бор — жиддий ишлашимиз керак. Балки бизга бошқа менталитет ва бошқа даража керакдир. Биз албатта яхшироқ ўйнашимиз шарт», — дея Фликнинг сўзларини клуб матбуот хизмати келтирди.

Ушбу натижадан сўнг «Барселона» Испания чемпионати турнир жадвалида етакчиликни қўлдан бой берди.