Радимов Италия терма жамоаси савиясини паст баҳолади

Санкт-Петербургнинг "Зенит" клубида тўп сурган, ҳозирда футбол эксперти сифатида фаолият юритаётган Владислав Радимов Италия футболи ва миллий жамоа даражаси ҳақида фикр билдирди. Бу ҳақда euro-football.ru хабар беради.

Унинг айтишича, Италия футболи ҳозир инқироз босқичида: клублар таркибидаги легионерлар ҳисобига натижа чиқариб турибди, бироқ терма жамоанинг умумий савияси паст ва жамоа Жаҳон чемпионатига чиқа олмай қолиш хавфи билан юзма-юз.

Эслатиб ўтамиз, Италия терма жамоаси 2026 йилги Жаҳон чемпионатига тўғридан-тўғри йўлланма ола олмади. Женнаро Гаттузо бошчилигидаги жамоа энди йўлланма учун плей-офф учрашувларида майдонга тушади.

2026 йилги мундиаль ёзда Шимолий Америкада ўтказилади. Нуфузли турнирга АҚШ, Канада ва Мексика мезбонлик қилади.