Димарко Мхитарян учрашув қаҳрамони бўлиши кераклигини айтди

Миланнинг “Интер” жамоаси чап қанот ҳимоячиси Федерико Димарко А Сериядаги “Лечче”га қарши 2:0 ҳисобидаги ғалабадан сўнг фикрлари билан ўртоқлашди. Бу ҳақда euro-football.ru хабар беради.

“Нерадзуррилар” ҳисобни фақат 75-дақиқада Генрих Мхитарян киритган гол эвазига очди. 82-дақиқада эса Димарко узатмасидан кейин Мануэль Аканджи гол уриб, учрашувдаги якуний натижани белгилаб қўйди. Ўйиннинг энг яхши футболчиси сифатида айнан Димарко эътироф этилди.

“Менимча, бу совринга Мхитарян кўпроқ лойиқ эди — у жуда яхши ўйин кўрсатди. Мукофотни болаларимга бераман, улар бу совғаларни яхши кўришади ва мен учун сақлаб қўйишади. Жамоанинг натижаси ҳар доим шахсий совринлардан устун”, — деди Димарко.

У шунингдек, Мхитаряннинг голи жамоага енгиллик берганини таъкидлади: “Биз жуда қийин бўлишини билардик, чунки ‘Лечче’ тартибли ва яхши ташкил этилган жамоа”, — дея DAZN’га берган интервьюсида қўшимча қилди.

Бу ғалабадан кейин “Интер” иккинчи ўриндаги “Милан”дан 10 очкога узоқлашди.