Брентуэйт Эвертонга голларни уришда аниқлик етишмаяпти деди

Эвертон ўз майдонида яна очко йўқотди: жамоа Манчестер Юнайтедга минимал ҳисобда имкониятни бой берди. Дэвид Мойес шогирдлари учрашувнинг катта қисмида ўйинни назорат қилган бўлса-да, устунликни голга айлантира олмади. Бу ҳақда euro-football.ru хабар беради.

Ҳимоячи Жерред Брентуэйтга кўра, мағлубиятнинг асосий сабаби ҳам айнан шу — вазиятлардан унумли фойдалана олмаслик. «Менимча, иккинчи бўлимда биз устун бўлдик. Яқинлашувлар, имкониятлар кўп эди, аммо якунловчи зарбалар етишмади. Жамоа бўлиб айнан шу устида ишлашимиз керак», — дея унинг сўзларини BBC Sport келтирди.

Кейинги турда Эвертон Нюкаслга қарши майдонга тушади.