Криштиану Роналду Линдси Воннни қўллаб-қувватлади

Саудия Арабистонининг «Ал-Наср» клубида тўп сураётган футбол суперюлдузи Криштиану Роналду ижтимоий тармоқларда америкалик тоғ чанғичиси Линдси Воннни руҳлантирувчи сўзлар билан қўллаб-қувватлади. Спортчи 2026 йилги қишки Олимпиадада оғир жароҳат олгани хабар қилинди. Бу ҳақда euro-football.ru хабар беради.

41 ёшли португалиялик ҳужумчи ўз мурожаатида Вонннинг иродасини алоҳида таъкидлади: «Сен забт этган ҳеч бир чўққи сенинг кучинг билан тенглаша олмайди. Курашни давом эттириш керак. Афсоналар доим яна туриб кетади», — дея ёзди Роналду.

Маълумот учун, Криштиану 2023 йил январидан бери Саудия Арабистонида фаолият юритмоқда. Унинг «Ал-Наср» билан амалдаги шартномаси 2027 йил июн ойи охиригача мўлжалланган, футболчининг трансфер нархи эса 12 миллион еврога баҳоланмоқда.