Диего Коста Симеоненинг энг яхши ва ёмон томонини айтди

Мадриднинг «Атлетико» клубида тўп сурган собиқ ҳужумчи Диего Коста жамоа бош мураббийи Диего Симеоне ҳақида фикр билдирди. Бу ҳақда euro-football.ru хабар беради.

Коста «матрасчилар» сафида 2007–2014 йилларда ўйнаган, кейин эса «Челси»га трансфер қилинган. 2018 йилда у яна Мадридга қайтиб, клубда яна уч йил фаолият олиб борган.

Ҳужумчининг таъкидлашича, Симеоненинг энг кучли жиҳати — футболчиларни руҳлантириш ва ўзига ишонишга ундаш қобилияти. Энг ёқимсиз томони эса мураббийнинг совуққонлиги бўлган: Коста айтишича, Симеоне айрим футболчиларга, айниқса ўзи муҳим деб билмаган ўйинчиларга нисбатан масофа сақлаган. Шунингдек, у ҳозир «Чоло» ўзгарганини, жамоага нисбатан эмоциона́лроқ ва яқинроқ бўлиб қолганини қўшимча қилди.

Эслатиб ўтамиз, Диего Симеоне «Атлетико» бошқарувини 2011 йил охиридан бери олиб бормоқда.