Журналист Фликни Хавига ўхшатди ва танқид қилди
Cadena SER журналисти Ману Каррено “Барселона” бош мураббийи Ҳанс-Дитер Фликнинг сўнгги баёнотларига нисбатан ўз муносабатини билдирди.
Журналист фикрича, немис мутахассиси босим остида аста-секин Хави давридаги баъзи одатлар ва реакцияларни такрорлашга ўхшаб бормоқда.
“Баъзан Ҳанси Флик аста-секин Хавига ўхшаб кетаётгандек туюлади. Ҳакамлар ва майдон ҳолати ҳақида шикоят қилмоқда.
Бир лаҳза кўзимни юмдим ва қаршимда Хавини кўрдим. Биринчи ўйиндаги ҳакамликдан норозилик, жавоб учрашувидаги бошқарув ҳақидаги фикрлар.
‘Метрополитано’даги майдон ҳолати бўйича УЕФА вакиллари билан мулоқот қилганини ҳам кўрдик. Бу мени ҳайратга солди.
Бошқа мураббийлар учун бу газон оддий ҳолат эди, аммо Ҳанси Флик бундан ажабланган”, — деди Каррено.
Журналистнинг таъкидлашича, “Барселона”нинг ўзига ўзи босим юклаши баъзи ҳолларда жамоа фойдасига ҳам ишлаши мумкин.
Эслатиб ўтамиз, “Барселона” Чемпионлар Лигаси чорак финал жавоб учрашувида меҳмонда “Атлетико”га қарши майдонга тушади.
