Компани "Реал"га қарши жавоб ўйинига ишонч билдирмоқда
Венсан Компани раҳбарлигидаги \"Бавария\" жамоаси Мадриднинг \"Реал Мадрид\" клубига қарши UEFA Чемпионлар лигаси чоракфинали жавоб учрашуви олдидан юқори кайфиятда тайёргарлик кўрмоқда. Биринчи беллашувда немис гранд жамоаси 2:1 ҳисобида ғалаба қозониб, муҳим устунликка эга бўлган эди.
Компани жавоб ўйини олдидан фикр билдириб, барча футболчилар майдонга тушиш имконига эга бўлишини таъкидлади. Унинг сўзларига кўра, жамоа бу беллашувни интиқлик билан кутмоқда ва асосий мақсад — ғалаба қозониб, мухлислар ишончини оқлаш.
Мураббий рақибни ҳурмат қилиш кераклигини қайд этган ҳолда, жамоа ўйинга ишонч билан кириши шарт эканини алоҳида урғулади. Унинг фикрича, \"Бавария\" майдонга фақат ғалаба учун чиқиши лозим.
Биринчи учрашув таҳлилига тўхталган Компани, имкониятлардан тўлиқ фойдаланилса, ҳисоб янада йирик бўлиши мумкинлигини айтди. Иккинчи бўлимда \"Реал Мадрид\" ўйинни кучайтириб, устунликни оширгани ва бу уларга ишонч бергани таъкидланди.
Шу билан бирга, биринчи таймда \"Бавария\" жамоаси жуда яхши ўйнагани, янада юқори даражада ҳаракат қилиш имконияти мавжуд экани қайд этилди. Компани фикрича, жамоа потенциали анча юқори.
У яна Сантьяго Бернабеу стадионида қўлга киритилган ғалаба жамоага қўшимча ишонч берганини, аммо бу етарли эмаслигини билдирди. Унинг таъкидлашича, жавоб учрашувида ундан ҳам кучлироқ ўйин кўрсатиш зарур.
- «Сантяго Бернабеу»даги ғалаба бизга ишонч берди, аммо энди уйда унданда яхшироқ ўйнашга қодирлигимизни исботлашимиз керак, — дея Компани.
УЕФА расмий сайти келтирган баёнотда Компани жамоа ўз даражасини янада ошириши ва ярим финалга йўл олиш учун максимал куч билан ҳаракат қилиши кераклигини алоҳида таъкидлаган.
