Карло Анчелотти Неймар ҳақида: "Ҳаммаси унинг ўзига боғлиқ"
Бразилия терма жамоаси бош мураббийи Карло Анчелотти 2026-йилги Жаҳон чемпионати учун таркибни шакллантириш жараёнида Неймар билан боғлиқ вазиятга ойдинлик киритди. Мутахассиснинг таъкидлашича, 34 ёшли ҳужумчининг мундиалга бориши фақат унинг жисмоний ҳолатига боғлиқ. Бу ҳақда Goal.com хабар беради.
"Неймарнинг чақирилиши фақат унинг ўзига боғлиқ. Бу майдонда кўрсатадиган ўйинига қараб ҳал қилинади. Унинг иқтидори шубҳасиз, биз фақат жисмоний тайёргарлигини баҳолашимиз керак", — деди Анчелотти Тҳе Гуардиан нашрига берган интервюсида.
Неймар яқинда "Сантос" сафида "Ред Булл Брагантино"га қарши ўйинда гол уриб ва ассист қайд этиб, ўз спорт формасини тиклаётганини исботлади. Ушбу ғалаба жамоанинг етти ўйинлик омадсиз сериясига чек қўйди.
Бразилия терма жамоасининг якуний таркиби душанба куни Рио-де-Жанейрода эълон қилинади. Таркибда Европанинг "Реал Мадрид", "Арсенал" ва "Челси" каби клубларида тўп сураётган футболчилар ҳам ўрин олган, бироқ жароҳатлар туфайли баъзи ўйинчилар рўйхатдан тушиб қолган.
Бразилия мундиал олдидан Панама ва Миср терма жамоаларига қарши ўртоқлик учрашувларини ўтказади. Жамоа Жаҳон чемпионатидаги юришини Марокашга қарши баҳс билан бошлайди.
