Килиан Мбаппе ва Реал Мадрид ўртасидаги зиддият: Асл сабаблар нимада?
Килиан Мбаппе ва Реал Мадрид ўртасидаги муносабатлар жиддий синовдан ўтмоқда. Франциялик юлдуз жамоа бош мураббийи Альваро Арбелоа уни таркибдаги тўртинчи ҳужумчи деб атаганини таъкидлаб, жамоатчиликни ҳайратда қолдирди. Бироқ, мураббий бу даъволарни рад этиб, футболчи билан бўлган суҳбат нотўғри талқин қилинганини билдирди. Бу ҳақда Goal.com хабар беради.
Вазиятнинг туб моҳияти тактика ва фалсафадаги ўзгаришларга бориб тақалади. Хаби Алонсо даврида жамоанинг марказий фигураси бўлган Мбаппе, Арбелоа келиши билан Винисиус Жуниор атрофида қурилган ўйин услуби туфайли сояда қолиб кетди. Мураббий жамоада меҳнаткашликни биринчи ўринга қўйиб, юлдузли мақомдан кўра майдондаги фидойиликни афзал кўрмоқда.
Клуб президенти Флорентино Перез вазиятни юmsҳатишга уриниб, Мбаппе ҳали ҳам лойиҳанинг асосий юлдузи эканлигини таъкидлади. Перез жамоанинг сўнгги мавсумдаги муваффақиятсизликларини, жумладан Чемпионлар лигаси ва Ла Лигадаги омадсизликларни жисмоний чарчоқ ҳамда Клублар ўртасидаги жаҳон чемпионати таъсири билан изоҳлади.
Шунга қарамай, кийиниш хонасидаги муҳит ва мураббийнинг тактик қарорлари Мбаппе учун жиддий муаммога айланиб бормоқда. Реал Мадрид раҳбарияти ва мураббийлар штаби ўртасидаги бу келишмовчилик жамоанинг келгуси мавсумдаги режаларига қандай таъсир қилиши ҳозирча номаълум.
